又帶大家去揾食！ 日本野香港真係有好多，我見呢間魚治Uoharu食嘅野同平日個啲好似有少少唔同，決定去試下！ 好有驚喜呀🤭佢應該會成為我未來嘅飯堂😆大家有興趣記得save個post，咁就唔會揾唔返啦♥️
🍽食物👇🏻
⭐️和牛三文治 HK$268👉🏻限定款，如果當日賣晒就無。所以大家最好預留。 呢個係必點！個和牛勁好食，配埋脆脆哋嘅麵包，感覺特別！而且又啱啱好，唔會覺得好肥膩。
⭐️炙燒味噌刺身他他HK$88👉🏻呢個好正，店員過嚟即場用火槍燒俾你。他他配紫菜加蛋黃味道好夾好好食。 初初Mr Honey唔知係乜有少少不安，食完一嗒大讚好好食。 呢個都必點啦！
⭐️厚揚日本豆腐 HK$58👉🏻限定款，如果當日賣晒就無。無諗過豆腐都咁出名！ 但係真係掂！ 外層超級薄同脆而入面仲係好滑。 正嘢嚟！
⭐️烤柚子胡椒豬鞍 HK$148👉🏻呢個整得好好呀，雖然我唔覺得豬本身有咩特別嘅味道，但係豬做得好”林”，入口好嫩，同埋肥瘦又啱啱好。 再配埋個醬，無敵好食！ 呢個我哋是但叫，但係好有驚喜！
⭐️刺身(7點) HK$138👉🏻有7款同5款刺身揀，我哋叫咗7款試多少少野。 每樣都好新鮮有水準！ 係好食嘅不過刺身其他地方都有得食，無咩咁特別。 如果無我哋咁大食，可以留翻食其他特別啲嘅野！
⭐️牛油南瓜 HK$68👉🏻初初Mr Honey見我要叫呢個嘅時候，佢無奈咗！ 我知，望到覺得好似無咩特別麻！ 哈，但係嚟到個下，佢食咗嗒就話：又真係幾好食喎！ 嗱，如果係南瓜牛油控根本就係必點啦，講完！ 咩南瓜嘅野我都會點同加分㗎！！！
⭐️燒雞肉大蘑菇 HK$55👉🏻呢個我覺得一般啦，可能因為其他野實在太好食太有驚喜，所以將呢個比下去！
⭐️自家制吉列牛肉薯餅 HK$58👉🏻呢個又係卜卜脆，牛肉薯餅好多地方都有，但係皮薄涵靚又真係唔多！ 做得最好係個皮，好薄好脆！ 食緊個下我覺得我去咗日本！ 熱辣辣好幸福～～
⭐️香辣新豬肉餃子 HK$78👉🏻呢個用OmniPork做喎，所以有午餐肉feel幾特別，仲要食到辣味！ 正！
💕佢哋每晚都有東京魚治嘅傳統👉🏻禾稈草燒鰹魚，我哋星期日晚去，8.30pm就有！ 好正呀，佢哋燒完嘅鰹魚仲會分俾大家一齊食！ 我見到個下覺得佢哋好慷慨，送都咁大件呀，唔係紙咁薄！好食，又係好新鮮！ 同埋表演短短哋睇得好開心又有少少氣氛！
🍹飲品(Happy Hour 夜晚8點前買一送一)👇🏻
⭐️三得利生啤 HK$62👉🏻啤酒咁，我無飲講唔出～
⭐️梅酒 HK$98👉🏻我自己飲梅酒，佢有兩款揀，另一款$58不過會甜啲，所以我點左呢個！ 好好飲，我好鍾意飲梅酒。 仲要8pm前買一送一，抵！ 佢另外仲有芒果味，益力多味嘅酒，我下次想試下～
🍰甜品👇🏻
⭐️特製雪糕三文治 HK$58👉🏻呢個係店員推介，雪糕有matcha同vanilla兩個味揀。 Mr Honey唔食綠茶類食物，所以我哋揀左vanilla。 幾特別喎，似日本法國crossover咁。 麵包就好脆好乾身，配個凍冰冰嘅雪糕喺中間，有唔同texture！NICE！
⭐️吉士布丁HK$38👉🏻呢個我同Mr Honey都覺特超級無敵好食，真係好有鄉下feel，食緊嘅時候我哋都覺得我哋似喺日本呀！！ 布丁少少實的的，唔係化開嗰種，甜度又啱啱好！！ 好好食！
💲有加10％服務費。
💁🏻♀️坐位唔太逼，就算同朋友一路食一路傾偈都好啱！服務都唔錯，夠快亦有留意客人需要。 同埋佢哋會建議佢哋比較特別嘅菜式等客人知道，呢度要讚，因為唔係個個人都做晒research先去，唔洗問佢哋自己會介紹下呢樣我覺得好好！食物嚟講我同Mr Honey都非常滿意！ 我哋都一定會再去，BTW，我已經同個朋友約咗佢生日去呢度食，咁你就知我有幾滿意啦！ 你都快啲去試丫，同幾個朋友一路食一路飲又一路吹水真係好爽！！可以save低呢個post當參考 😌
🤔綜合評分(10分滿分啦)：
環境: 7/10
食物: 7/10
服務: 7/10
抵食: 7/10
整體: 7/10
🍴餐廳：魚治 Uoharu
📍地址：中環威靈頓街2-8號威靈頓廣場M88 7樓
☎️電話：22178880
📲有無得Open Rice book位：冇 (link)
