呢個最初係Instagram我俾自己既project，突然醒起都可以搬埋過嚟blog呢邊。 點知搬運途中發現No. 2已經closed down，咁我哋唯有直去No. 3啦！Mr Honey好鍾意食墨西哥菜，但係香港唔係有好多選擇🤓 俾我揾揾下揾到呢間11 Westside 好似唔錯。 我又走去試下🤣大家有興趣記得save個post，咁就唔會揾唔返啦♥️
🍽食物👇🏻
⭐️G.S.C. [Guacamole➕Chips and Salsa] HK$180👉🏻呢個係必。點。呀！基本上每枱都會見到佢出現🤣點解我哋知？因為點完呢個，佢哋先上chips同salsa，之後員工推車仔去你枱邊即刻整牛油果醬囉！ 仲會俾你試少少睇下啱唔啱你口味，洗唔洗酸啲辣啲咁🤣我覺得咁做都好喎！ 好似我咁鍾意酸啲辣啲嘅話就一定啱味啦！正因為有得調校味道，所以個牛油果醬好正！ 如果本身你都鍾意食牛油果，我覺得你都會鍾意😍個salsa就同平日買現成一樽樽個啲唔同，現成嘅係見到粒粒番茄同埋係淺啲嘅橙色。 但係呢個個樣似杰身辣椒油咁樣，同埋呢個番茄味唔係好出，食到辣味多啲。如果鍾意食辣嘅我覺得你會鍾意，但係如果你以為係平日嗰種酸辣，呢個可能不似預期喇。 但整體上我覺得好好食，好值得點！ 如果chips再多啲就會再完美啲，因為食完啲chips我哋都仲有好多牛油果醬剩呀！
👇🏻佢哋最出名嘅係tacos，上枱係一件，share食會食到多啲唔同味道。 佢有好多唔同款式揀，有肉無肉唔同肉嘅都有。 應該每個人都會搵到自己鍾意食嘅款色。 佢哋嘅taco係軟皮唔係脆皮。
⭐️Taco: Al Pastor HK$48👉🏻呢款係豬，有salsa同牛油果醬味，仲有菠蘿。 我覺得個味同G.S.C.好似，我初初一路食一路唔知食緊乜，食到菠蘿我先知！好食！ 加埋菠蘿少少酸甜感覺好清新！
⭐️Taco: Pollo Asado HK$48👉🏻呢款係雞，我覺得個味道同Al Pastor好相近（只差菠蘿味）。 因為除咗肉唔同之外，其他配料都類近，所以感覺好似。 我覺得兩者二選一可以啦。
⭐️Taco: Carne Asada HK$58👉🏻呢款係牛！ 不過雖然配料同上面兩款差唔多，但係呢個牛味好出眾，同埋個牛粒好好食，啱啱好又唔會鞋！ 好食！ 如果鍾意食牛嘅話要點呀！
⭐️Enchiladas Suizas HK$178👉🏻入面有: Braised chicken, salsa verde, melted jack, sour cream同埋面頭有隻煎蛋！ 呢個係Mr Honey想食，但係我就一般般，唔係因為唔好食，而係我覺得呢道菜係邊度食都好，都係無乜太特別嘅味道！ Mr Honey話佢做得好食用料都好足，我就見佢食得好知味喇。份量真係好多，所以絕對係對得住個價錢！ 我覺得如果你本身好鍾意呢道菜，可以試。 但係如果同我一樣唔太大感覺嘅話，我寧願你試多幾款tacos喇，特別啲麻！
🍰甜品👇🏻
⭐️Leches Flan HK$88👉🏻呢個甜品反而好驚喜喎！ 好。好。食！！！Mexican style custard實實哋，有啲似食日本布丁feel！ 再加埋raspberry syrup同埋啲berries酸酸哋，絕對唔係死甜嘅甜品！ 如果你唔係好愛甜食，我覺得你會鍾意。我同Mr Honey都話返去淨係食呢個甜品都好值得！ 係喎，好食到咁！
💲有加10％服務費。
💁🏻♀️呢間餐廳個入口有啲難揾，要轉去後巷行樓梯上，所以要留意。 坐位我覺得都OK，唔係勁逼嗰種，枱與枱中間都有位嘅。唯獨係佢真係好昏暗。 佢餐廳前半部份有bar枱，可能佢哋想好情調啲就校到啲燈光好鬼暗，暗到我要開電話個電筒先睇到menu上面嘅字。 我同Mr Honey都唔鍾意食野嗰陣咁暗，連自己食乜都睇唔清楚！ 所以你見啲相都好暗，就係呢個原因喇。 啲相已經校光咗，唔係嘅話大家應該只見到漆黑一片。 如果你想打下卡嘅話，唔洗諗（可以打，但係張相唔會靚）！服務我覺得一般啦，基本野，落單上菜咁，無咩特別。 食物嚟講，我覺得係好食㗎！ 個份量都好對得住個價錢！ 如果你想搞下新意，成日食日本菜泰菜中餐西餐有啲悶，可以試下。 特別啲麻！ 仲有呀，呢度有限時，兩個鐘頭要交枱，所以唔啱同好耐無見嘅朋友catch up㗎！ 可以save低呢個post當參考 😌
🤔綜合評分(10分滿分啦)：
環境: 5/10
食物: 7/10
服務: 5/10
抵食: 6/10
整體: 5.75/10
🍴餐廳：11 Westside
📍地址：西環堅尼地城爹核士街11號浚峰1樓
☎️電話：93008068(WhatsApp)
📲有無得Open Rice book位：冇 (link)
