打風打到人都悶悶哋😪所以揾下嘢食開心下。 見IG出來佬餐館呢個廣告又見book到位，所以去試下💃🏻食完返黎梗係要同大家分享下，大家有興趣記得save個post，咁就唔會揾唔返啦♥️
今次我哋係衝住佢哋嘅《秋日滋味套餐》去，因為有蟹。粉。食🦀
🍽頭盤4個👇🏻
⭐️香草芝士焗蠔👉🏻呢個我覺得可以啦，唔知係咪因為我要影相所以凍咗先食到，我覺得有少少硬。 唔算好驚喜。
⭐️蟹粉蟹籽一口酥👉🏻呢個唔可以一口啊baby，哈哈。 有啲似炸雲吞啲friend。食咗啲好脆卜卜嘅外圍地帶，入到戲肉就有濃濃嘅蟹粉味！幾特別！
⭐️烤美國露筍沙律，松露蛋黃醬👉🏻呢個反而好好食，唔係咩好特別嘅野。 露筍都係露筍味啦，不過下面啲沙律菜好新鮮同埋個汁少少酸酸哋(似食日式沙律咁)，好fresh好食！個蛋黃醬都有輕微松露味，唔錯！
⭐️蟹肉蘋果沙律👉🏻呢個我都預咗蘋果多過蟹嘅，不過啲蘋果真係好酸，酸到我唔係好食到蟹肉個味道啊！
🍽湯(有兩款揀)👇🏻
⭐️黑松露野菌湯👉🏻正呀！我好鍾意菌類東東，所以我好鍾意呢個湯，夠creamy又足料，仲要每一嗒都有少少松露嘅味道！好正！
⭐️來佬酥皮海鮮湯(要另加$20)👉🏻呢個Mr Honey都飲得好開心(我都飲咗兩嗒等我可以寫飲後感)，酥皮做得好好同埋成個湯都好香海鮮嘅鮮味！ 兩款湯都好有水準！
🍽主菜(有四款揀)👇🏻
⭐️鮮拆蟹粉天使麵(要另加$40)👉🏻我覺得佢有條baby試管醋好特別呀！ 蟹粉sauce分量我覺得啱啱好夠包住啲天使麵，等每嗒食落都有蟹味，唔係好似齋食麵咁。 薑味有少少濃。 天使麵都煮得啱啱好！ 呢個應該係成個套餐嘅重點，我嚟都係為咗食呢個，我無失望！
⭐️慢煮香烤鴨胸(蔬菜，鮮雜莓醬)👉🏻Mr Honey超滿意！第一係分量夠，唔會太少。 第二係煮得啱啱好，唔會太硬太鞋。 呢個入口好嫩滑，而且配搭鮮雜莓醬，有一份酸酸甜甜嘅fruity美道！ Mr Honey一路食一路讚！
💁🏻♀️我哋揀咗上面嗰兩個，另外仲有美國頂級穀飼肉眼(蔬菜，黑松露種牛油)要另加$40同埋牛肝菌烤羊架(法豆，乾蕃茄，燒蒜，忌廉馬鈴薯，迷迭香汁)揀。
🍽甜品(有兩款揀)👇🏻
⭐️自家西米奶凍伴芒果雪糕👉🏻呢個個奶凍好食，又唔會過甜，中間仲有西米，所以好有口感。 但係個芒果雪糕一黎到個下好似石頭咁硬，要等一陣先食到呀！ 雪糕入面有芒果粒，我係芒果控丫，所有有芒果既野唔係酸到離地嘅話我都會加分，所以呢個講明係偏心！
⭐️自家朱古力心太軟伴雪糕👉🏻呢個個雪糕反而唔硬喎，一嚟到就食得！ 朱古力心太軟我諗係朱古力控都鍾意㗎啦，乾身既外圍搭濃郁又溫暖嘅朱古力lava，再搭個雪糕！ 唔係享受我唔知係咩喇～不過如果一個人要K.O.一個都會覺得好rich，所以兩個甜品一齊去分享反而係啱啱好！
🍽配菜要另加$32(有兩款揀)👇🏻
⭐️紫菜炸薯條👉🏻少少紫菜味，唔係成條變左綠色嗰種！ 反而佢個醬先係重點，wasabi味既mayonnaise！！ 脆卜卜嘅薯條點呢個醬食係好有驚喜！ 不過大家留意，呢個係第一樣野嚟到我哋枱面，所以睇住呀，唔係一陣食飽咗自己，後面嘅就無咁enjoy喇！但係如果唔食哂啲薯條，凍咗又冇咁好食🤦🏻♀️好兩難喎。
💁🏻♀️或者可以揀黑松露炸薯條，不過Mr Honey唔係好愛黑松露嘅味道所以我哋無揀呢個～
💲套餐價錢：每位$348(最少兩位起)，另加10％服務費。
⚠️呢個秋日套餐係限時，應該去到2021年11月30號。 因為我見Open Rice訂座嘅話呢個餐可以有85折優惠，限時去到11月30號。 要去試就當然用Open Rice呢個優惠抵啲啦🤣
💁🏻♀️呢間餐廳其實喺1/F，我覺得佢個地址寫地下至1/F有少少confusing，直接寫1/F會易揾啲。 環境嚟講我覺得舒服，坐位與坐位之間唔係人貼人，所以good。 服務都快同準，有細心留意客人食完未，係咪要上第二道菜等等。 仲有我欣賞佢菜與菜中間有休息位，唔會食到要趕頭趕命👍🏻整體好食，我哋都食得好開心。 有埋Open Rice 85折都幾抵食，我哋兩個食完飽都上心口，同埋每款分量都唔少！ 我覺得如果你同honey或者同friend想揾個地方食下野傾下計，又要好食得黎食得飽荷包唔好大出血嗰種，你可以過去試下丫👍🏻可以save低呢個post參考
🤔綜合評分(10分滿分啦)：
環境：7/10
食物：7/10
服務：6/10
抵食：7/10
整體：6.75/10
🍴餐廳：來佬餐館
📍地址：中環威靈頓街66號 (灣仔店已結業)
☎️電話：3125-3000
📲有無得Open Rice book位：有 (link)
