今次我要召喚西灣河街坊🤣呢間茶餐廳開咗唔係好耐而我都幫襯左無限咁多次😆今日同大家介紹吓👉🏻諸勝堂♥️佢哋除咗西灣河，上環都有店，大家行開可以過去試吓👍🏻大家有興趣記得save底個post，咁就唔會揾唔返啦♥️
🍽食物👇🏻
⛅️早餐
⭐️ 招牌沙嗲牛肉鮮豬骨湯麵配4.3牛奶炒日本滑蛋+鮮牛油多士 HK$40包熱飲👉🏻我早餐次次去都係食呢個，沙嗲牛肉入面食到薑味，咁有心機唔係間間有。另外個湯底真係奶白色飲到有豬骨湯嘅味道，好值得讚👍🏻炒蛋好滑身同埋多士唔會白雪雪，我超級推薦大家去試佢哋呢個早餐😊好好食
☀️下午茶
⭐️自家製蟹子醬三文治 – 叉燒x雞蛋x 蟹子醬x生菜 HK$35包熱飲👉🏻見到menu張相好想食🤣因為好厚切，實物嚟到都係好厚切，不過我就覺得蟹子醬比較少搞到味道唔係太出，蛋就非常厚而叉燒有少少伶仃，所以食嘅時候感覺會比較似食緊蛋治😆
⭐自家製蟹子醬三文治 – 五香肉丁x雞蛋x 蟹子醬x生菜 HK$35包熱飲👉🏻感覺同上面一樣只不過叉燒變咗五香肉丁，而啲五香肉丁囤積左係一邊所以大部份時間都似食緊蛋治，呢兩個三文治我唔覺得好特別，試佢其他下午茶餐會比較有驚喜♥️
🌙 晚餐
⭐現煮北海道牛奶豬骨湯丁麵配煎日本太陽蛋及豬肉眼扒HK$48包熱飲 👉🏻呢個同個早餐有少少似，湯底一樣咁濃郁，豬扒都好食唔會太肥又唔會鞋到咬唔開
⭐招牌濃厚鮮茄汁燴意粉配豬肉眼扒HK$58包熱飲 👉🏻如果你鍾意蕃茄，你可以點呢個，真係超級茄汁味😆意粉同豬扒都係煮到啱啱好而啲茄汁又唔會太稀身，好食
⭐自家製蔥油肉眼豬扒飯配日本有子醋沙律菜HK$59包熱飲👉🏻呢個本身冇跟炒蛋，可以另加$10要埋炒蛋。呢個有日我唔知食乜所以是但點，又幾好食喎😍好香蔥油嘅味道，亦有足夠既豬扒份量，最緊要係啲豬扒唔會過肥食唔到👍🏻唔錯
♥️另外我覺得大家可以喺佢下午茶或者晚餐嘅時間試佢既招牌印尼雙撈麵配蛋同豬扒，呢個第一二次食嘅時候食過👉🏻份量超大超飽，好簡單嘅嘢但係食完會好滿足👍🏻或者如果你鍾意芫荽嘅話佢另外有一個叫做特辣噴火瑞士汁芫荽拌麵配自家滷水雞翼🤣我好食得辣所以我唔覺得佢係特辣，但係都係好食嘅👍🏻👍🏻
🍹飲品👇🏻
⭐️奶茶👉🏻我每一次去都係飲奶茶🤣我覺得OK既，未去到最滑同最好飲，中中間間唔差
💁🏻♀️茶餐廳都係快食快閃嗰一種，所以位置會坐得好近，但係勝在地方夠乾淨👍🏻店員服務都好好😆有禮貌又好醒目，份量我覺得啱啱好，唔會太多又唔會太少，整體上我覺得佢哋大部份食物嘅味道都好好，quality同quantity個平衡做得唔錯，menu唔算非常之多嘢揀，但係我覺得如果你嗰日想食啲又快又簡單味道又唔錯嘅一餐嘅話，咁我覺得呢間茶餐廳唔會令你失望👉🏻可以save低呢個post當參考 😌
🤔綜合評分(10分滿分啦)：
環境: 7/10
食物: 7.5/10
服務: 7.5/10
抵食: 7/10
整體: 7.25/10
🍴餐廳：諸勝堂(西灣河)
📍地址：西灣河筲箕灣道104號地下
☎️電話：34888256
📲有無得Open Rice book位：冇 (link)
