唉，呢幾年真係好難捱，我睇翻No.6又結業，所以我地直去No.7。其實呢篇BHC炸雞篇應該十一月出，我找埋數先😅大家有興趣記得save個post，咁就唔會揾唔返啦♥️
🍽食物👇🏻
⭐️BHC Cheese Ball HK$58/5粒 👉🏻 呢個係必點！ 出面脆卜卜，入面有芝士，好好食。 炸得好好，唔會油淋淋。
⭐️BBU – Linkle (All Wings) HK$188 👉🏻 呢個嚟到成盤雞翼都係黃色，因為佢有好多芝士調味粉係上面。 我覺得佢啲炸雞真係有水準，唔會食到雪藏味，外皮炸得夠乾身又夠脆，但係入面雞肉都仲係好滑有啲juicy，啱啱好，唔會好鞋口！ 呢個我覺得係食芝士調味粉，調味粉完全包圍隻雞翼，食落幾似BHC Cheese Ball個味道！
⭐️Retro (All Drumsticks) HK$168 👉🏻 呢個就係最old fashion個種炸雞啦，真係食雞味。 佢另外配咗個醬可以點，唔係都真係無咩其他味道！ 同上，炸雞本身係做得好，但係我覺得呢個比較普通，食食下有啲悶，所以點其他特別味道既比較好。
⚠️飲品: 得氣水同埋啲應該好高糖份嘅飲料，我記得無啲無氣又唔甜嘅野飲，所以我當日係揀氣水～
💲有加10％服務費。
💁🏻♀️坐位都唔會好逼。坐下食下嘢傾下偈好causal！服務就真係麻麻，所以我俾好低分。其實我已經係第二次去銅鑼灣呢間，兩次都已經相隔咗好一斷時間，但係服務都一樣係咁暈！態度係OK嘅，但係兩次都會上錯菜，撳鐘仔佢哋唔知係邊張枱😅book咗枱又唔係好清楚係邊張枱。 食物嚟講啲炸雞係有水準，而且份量都好驚人，適合一班朋友去食，食得飽又唔會太貴，仲食到多啲唔同款式添。其實如果唔係我覺得佢啲食物質數good既話，我都唔會再去。 野食我係推介嘅同埋都抵食㗎👉🏻可以save低呢個post當參考 😌
🤔綜合評分(10分滿分啦)：
環境: 8/10
食物: 8/10
服務: 2/10
抵食: 7/10
整體: 6.25/10
🍴餐廳：BHC
📍地址：銅鑼灣謝斐道535號Tower 535地庫B03號舖
☎️電話：23222007
📲有無得Open Rice book位：有 (link)
