呢一間 Feather and Bone我食過好多次，我同Mr Honey都好鍾意。我哋成日去利園嗰間，因為夠近🤣但係佢都有幾間分店喺其他地方，你哋自己睇返邊間近你啦。大家有興趣記得save底個post，咁就唔會揾唔返啦♥️
佢個menu都係貴精不貴多，我食過好幾樣嘢，樣樣都有水準。但係我覺得最值得推介嘅係晚餐Butcher’s Choice HK$488/一位，我哋食過兩次，兩次個menu都有啲唔同，所以去到就問吓佢哋嘅同事睇吓啱唔啱食再決定。 🍴Butcher’s Choice HK$488/一位，以下係兩個人總共嘅食物🍴
🍽食物👇🏻
⭐️ Beef Jerky👉🏻呢個我覺得如果攞嚟餸酒係一絕🤣牛肉乾咁既物體，越”趙”越有味，又唔會好乾，都juicy好食👍🏻
⭐ Bone Marrow👉🏻呢個係之前喺法國食過，但係超級肥膩所以冇乜太大好感。反而呢個我同Mr Honey都覺得佢做得唔錯，冇過分肥膩得黎，質感有啲似軟身牛油，搽落脆麵包度食😏好食喎，呢個Mr Honey食得好開心
⭐️ Sausage x 2👉🏻兩款唔同嘅香腸，一款比較濃香草味，另一款就正常肉味，但係呢兩款我都唔覺得太特別，其實成個餐嘢食份量都好多，我覺得佢呢兩款香腸其實唔使俾都得😆食完呢個其實有啲飽飽地
⭐️ Marinated Chicken on a Stick👉🏻呢個好食，好夠味。其實我成日好怕啲雞一係有雪藏味一係冇味，反而呢個入晒味我覺得好好食👍🏻
⭐️ Lamb on a Stick👉🏻我唔食羊所以話唔到俾大家聽🤣
⭐️ Steak 250g + 2 Sides👉🏻佢哋主打係牛扒，大部份人去到就算唔食呢個餐都會點佢哋嘅牛扒，我哋都覺得佢哋啲牛扒好有質素，煮又煮得啱啱好👍🏻推介呀
⭐️ Ice Cream Sandwich (Mini Dessert)👉🏻今次好有驚喜🤣中間係雪糕，兩邊有塊脆餅夾住，質感上有個反差，但係食落又好好食。
🍹飲品👇🏻
我哋冇特別飲啲勁嘢所以話唔到俾大家知佢飲品水準點樣，我只可以同你講佢嘅sparkling water超級好飲🤣我哋次次去都淨係飲呢個👍🏻
💁🏻♀️大家如果想去呢間餐廳嘅話記得要預約，因為我見佢哋有時都幾滿。坐位都好好唔會太迫，亦都坐得舒服。服務唔錯，講解都詳細同埋都會留意客人有咩需要，但係我覺得上菜快咗少少，搞到好似趕啲客人食野咁，有少少似去咗茶餐廳個感覺，但係唔係俾緊茶餐廳個價錢麻，所以有一兩次我哋都要出聲叫佢哋上菜上慢啲，如果呢個位可以改善就very good😊 至於價錢方面，我覺得呢個餐真係好抵食，因為好多嘢食之餘，啲嘢食都有質素👍🏻就算比較大食嘅人都一定會食得飽😏整體上我自己都好鍾意呢間餐廳，我好推介大家去試吓👉🏻可以save低呢個post當參考😌
🤔綜合評分(10分滿分啦)：
環境: 8/10
食物: 7.5/10
服務: 7.5/10
抵食: 8/10
整體: 7.75/10
🍴餐廳：Feather and Bone
📍地址：銅鑼灣恩平道28號利園二期地下LG11-22號舖
☎️電話：35291228
📲有無得Open Rice book位：有(link)
