RMK四色眼影盤03號色 LINK
超級易用 又快又靚
之前買RMK新出嘅粉底
見到呢個眼影好靚入咗手
呢幾日用咗覺得佢超級容易用
可以又快又靚地完成個眼妝
即刻要推介吓
粉質幼細 唔飛粉
顯色度係日本風 中中間間唔誇張
正因為佢唔浮誇
所以用起上嚟 好容易好慳時間
因為就算攞多咗份量
都唔會變咗萬聖節妝容
但係佢又唔會冇色 搽到好炆憎
我自己用右上打底
用左下喺眼摺位
左上加喺眼頭明亮
右下係閃粉色加喺眼頭至中間位置
超級靚 又易blend
唔使5分鐘搞掂 要狂讚
我覺得呢個顏色好啱鍾意自然色系嘅Baby
想搶眼啲嘅日子可以加埋右下
想低調啲嘅日子
就咁用另外三個色都可以
冇諗過佢嘅眼影咁好用
佢有唔同配色 如果呢個色唔係你杯茶
你都可以睇吓佢其他顏色
