The NAH Products for Me
之前執野執執下又俾我發現有一堆產品唔係好啱我用，因為要講既野唔多，所以我唔拍片，反而係blog同大家簡單分享一下點解佢地令我失望。 1. Skinceuticals Gentle Cleanser Mild Cream Cleanser for Sensitive or Dry Skin: 其實佢似一般洗面奶，質地唔算好厚唔係真係好cream，係比較挺身既lotion，有少少香味。不過唔知點解我用親都會成面出好多粒粒，用兩三日就會成面變得好鞋出好多細粒粒，我已經俾咗好多次機會佢，都係咁，所以佢唔係咁啱我啦。我一用翻其他洗面奶產品又無事。 2. Sunday Riley Blue Moon Tranquility Cleansing Balm: 呢個之前紅遍YouTube，個個都話幾幾幾好用，不過同我無緣， 佢係藍色balm狀既落妝產品，乾手乾面捽上去，會變油可以落妝。 我又係一用兩日就出粒粒，落妝balm／油產品我唔係隻隻用得到，有d太厚或者乳化得唔完整既話我係會出粒粒。 呢隻都係一樣， 其實我都好想鍾意佢，不過無奈 用咗好多次都係會出粒粒，唯有放棄。 3. Kora Organics By Miranda Kerr Hydrating Mask: 好耐之前買，用咗幾次無咩反應，放埋一邊諗住拍片，搞搞下又唔記得左。佢個質地杰杰地身，敷上面5至10分鐘之後過水。 真係無咩特別，我又唔覺得保濕咗潤咗，我記得當時買都唔平呀，好似要HK$500，但係我覺得一d都唔值得。…
View Post
