Cle de Peau Beaute亮白活膚護手霜 LINK
有18度防曬嘅貴婦手霜
呢支屬於轉季或者秋冬好物手霜
質地好容易推得開 但係質感豐盈
大概5分鐘會被吸收晒
開始冇黏笠嘅感覺
但係對手絕對有感覺係搽咗嘢 感覺係潤
所以唔係好乾嘅日子
會覺得黐笠笠 唔係幾舒服
佢入面有美白成份 改善色斑
可以軟化指甲甘皮
同埋提升皮膚防禦能力
我覺得好乾嘅日子用佢係good
因為佢會令到皮膚好幼滑
而且唔會洗一兩次手就冇晒
亦都有淡淡嘅香味
整體感覺舒服
因為佢有防曬
所以我淨係會朝早用
夜晚用返其他
成$700一支手霜
效果係咪好神 我又唔覺
只係某啲特別乾燥嘅日子
我覺得佢嘅滋潤效果非常好
想試嘅話 我覺得秋冬試得過
