泰國本土品牌Butterfly香水
呢一款香水比網上譽為泰國必買香水
佢有好多個味道揀
其中最特別係芒果糯米飯
當然都有好多其他花香 果香 或者木香
應該會揀到一款你鍾意
我自己都買咗Pamelo同埋Sweet Sedge
兩隻香氣我都好鍾意 因為好清新
持久度喺我身上大概三個鐘頭
其實我覺得好唔錯
不過佢冇被列入為好物推介有兩個原因
佢係用椰子油做base
所以佢質感比其他香水厚身
如果你噴香水嘅習慣係噴喺衫上面
淺色衫佢會留印
洗衫時候會洗走
但係如果唔小心噴咗喺衫上面
就直接出咗門口嘅話 嗰日件衫都會有印
品牌都有講到要噴喺皮膚上面
所以呢個睇你個人習慣
另外如果你好似我咁鍾意裝樽仔帶出街噴
因為佢個base比較厚
會喺個細樽漏出嚟
唔係好嚴重
但係樽仔會有少少濕濕地
呢個亦都係睇你個人習慣
如果你唔會帶出街 又只會噴喺皮膚上面
呢個品牌嘅香水對你嚟講
絕對可以試 屬於泰國必買
但係相反嘅話
呢款就未必咁啱你lifestyle
之前我都拍咗條片 有佢出現
我放返喺下面俾你哋參考
