韓國Abib魚腥草棉片
冇乜舒緩效果 保濕還可以
呢一款棉片對比起其他
比較厚身 亦比較粗糙
如果敏感肌用嚟抹面 冇咁友好
佢嘅舒緩功效亦都唔明顯
測試佢嘅時間我額頭有少少敏感有紅
敷完佢之後完全無感
唔見到我額頭位置有舒緩咗嘅跡象
保濕嘅效果就還可以
同其他韓國棉片一樣
保濕效果都係比較即時
比較當日 唔會太持久
瓶身設計麻麻哋
影響咗我使用嘅方便程度
佢個蓋係要擰開
然後仲有個層架放隻夾
即係我擰開完個蓋要放低
仲要掹開個層架放低
然後先至可以夾塊棉出嚟用
對比起其他韓國棉片
呢個設計冇咁方便
所以我用完就算 唔會回購
之前都有出過片分享5款韓國棉片
放埋喺下面俾你哋參考
