Kindle電子閱讀器
鍾意睇英文書嘅人必備
雖然我好鍾意一本本嘅書
亦都好鍾意行書局
好鍾意書本個味道
同揭書嘅手感
但係自從10幾年前接觸咗電子閱讀器
我就深深感受到電子閱讀器嘅方便
因為Kindle主打係模仿睇書嘅體驗
所以就算望住個螢幕好耐
對眼都冇唔舒服 呢樣要大讚
去旅行都非常方便
因為我買嗰部非常輕巧
所以去旅行唔會阻地方 唔會有負擔
另外因為我睇好多書
屋企真係冇咁多地方擺放
而Kindle一部已經可以儲存好多本書
唔需要佔用屋企太多空間
同埋好多時突然間想買新書睇
但係又冇時間去書店 或者書店已經閂咗門
喺屋企撳幾個掣就可以download
即刻有得睇 價錢亦比書店平
久而久之慳咗錢錢
我都唔記得我呢部Kindle用咗幾耐
應該都好幾年 完全冇問題
我覺得好襟用
差一次電可以用好幾個星期
唔使成日差 呢樣都要讚
如果成日睇英文書嘅話
絕對值得投資Kindle 買咗唔後悔系列
