PR Gift: Charlotte Tilbury Sulwhasoo SKII
一般日子唔多收到PR Gift
但係聖誕節通常都會比平日多少少
所以都想記錄一下
你哋又可以當係新品資訊
呢個星期收到三份
第一份係Charlotte Tilbury Treasure Chest
入面有12份產品
大部份都係迷你裝
去旅行或者想試都唔錯
第二份係雪花秀全新升級版
禦時緊顏參養面霜
主打係佢哋人參成份
功效以抗老為主
7日重現緊致彈滑肌
我覺得比較特別嘅係呢個面霜
加入咗Ginseng Retinol™ 可以減紋
不過通常敏感肌未必用得有Retinol嘅產品
我勇敢啲嘅日子會再試吓之後同你哋分享
第三份係SKII 聖誕限定神仙水禮品套裝
我做咗咁多年好似冇收過SKII嘅產品
之前寫blog嗰段時間
用好多亦都分享好多SKII嘅產品
之後掛住探索其他品牌 冇回購
所以今次好驚喜 套裝入面有
神仙水 小燈泡亮白精華 同埋
SKINPOWER致臻能量精華霜
試完之後再同你哋分享
